In època medioevale (annu 1100) sa Pianalza fiat formada dae custas biddas:
Bosa,
Forssiu-Forciu (Frussio),
Macomada (Magumadas),
Modol Valle (Mòdolo),
Morgeterio-Mogultera (a curtzu a Montresta),
Oinu-Oyo-Onio (a curtzu a Sindia),
Sàgama, Sindia, Sune, Suttamonte-Subta Monte (a curtzu a Montresta),
Tinnura, Tribus Noragis-Noracis-Noraquis (Tresnuraghes),
Norage-Nuragi de Trigano-Triganinu (a curtzu a Sàgama).
In su 1226 sos Moros nd’ant ispèrdidu sa bidda betza de Magumadas (in su montrigu de Santu Nigola), e sos chi si sunt salvados ant fraigadu un’àtera bidda a curtzu a Tresnuraghes.
(Informatziones leadas dae sa chirca intitulada “Sos topònimos de Sàgama e Sindia. Indàgine geogràfica e linguìstica” fata dae dot. Mario A. Sanna)
(GF.P.)
